Follas de limón

Estas si que son follas de limón

comer e beber e traballar non,

e traballar non, e traballar non,

estas si que son follas de limón.

Este pandeiro que toco

por moito que repenique (bis)

non teñas medo que rache

que é de coiro de cacique (bis)

Estas si que son follas de limón...

Miña nai e maila túa

quedan no río berrando (bis)

por culpa dunha galiña

que ten amores co galo. (bis)

Estas si que son follas de limón...

O carballo da Portela

ten a folla revirada (bis)

que lla revirou o vento

unha mañá de xiada. (bis)

Estas si que son follas de limón...

Os curas e os taberneiros

teñen moito parecido (bis)

os curas bautizan nenos

e os taberneiros o viño. (bis)

Estas si que son follas de limón...

O paxaro cando chove

mete o rabo na silveira (bis)

así fan as boas mozas

cando non hai quen as queira. (bis)

Estas si que son follas de limón...