Morriña II. Foliada

As ferrallas das panderetas
e o coro do seu redondo
petan nas mans das cantareiras
para comenzar a foliada

¡Peta! ¡peta! ¡peta!

Fala con elas o roncón
entoando o seu preludio
¡boa palleta gaiteiro!
voan as notas cos aturuxos

E saca punto o mozo
da muiñeira de Boimorto
cos brazos coma aspas
que moen o gran do outono

Baila na punta dos pes
a melodía marexada
¡ay mozo que juapo eres!
xeitoso sorríe á alborada

Volta o refaixo da man da enagua
e do verdor da carballeira
que mece as cores da xornada
porque é a foliada