Foliada de San Amaro

En aldán hai unha ermida
no barrio do Menduiña
a ermida é do San Amaro
e máis da Santa Mariña.

Meu santiño San Amaro
¿a cántos é o seu día?
é o 15 de Xaneiro ¡ai!,
que linda romaría!

Meu santiño San Amaro
vestidiño de amarelo
na aldea de Menduiña
non hai outro cabaleiro.

Meu santiño San Amaro
ten a muller bonitiña
e pra que non lla levaran
púxolle unha campaniña.

No adro do San Amaro
chantei un oso nun pé
eu chamei por San Amaro
e faloume San Xosé.

Sempre me andas preguntando
a que romaría voue
veño de Santa Mariña
e pra San Amaro voue.